من طرائف الثورة

[alhabib_sy]

في احد احياء حمص بعد ان منع الأمن سيارات النظافة من دخول الحي اجتمع الشباب و جمعو القمامة بسيارات و اخدوها خارج الحي

عند الحاجز العسكري في اول الشارع سألهم ضابط الامن ( شو بشقد الزبالة اليوم )

رد احد الشباب : ( انت دوئهاا و ما منختلف عالسعر )

---------------------------------------------------------------------------

عندما قبض الامن على رجل كبير بالسن سألوه ( ليش كنت متطلع مظاهرات )

قال ( والله يا عمو سمعت هالناس عم تصيح عالجنة رايحين قلت لحالي بروح معهن )

---------------------------------------------------------------------------

تنين ولاد عم و نفس الاسم واحد مطلوب للأمن والتاني مجنون و بياكول كتير

لما اجا الامن عالحارة شافو المجنون فكروه هاد هوي المطلوب اللي بصيح بالمظاهرات

اجو ياخدوه ما رضي يروح يضربوه و يسبوه ومارضي اجا عسكري قلو ( انا من الجيش الحر تعا معي )

اخدوه وحطوه بالسيارة و كانت السيارة مليانة شغالات مسروقة من بقالية

قعد هاد يطلع شو في شغلات طيبة ياكول لما شبع وقف بالسيارة و صار يصيح ( الله محيي الجيش الحر )

------------------------------------------------------------------------------

لما اقتحم الجيش إحدا مدن ريف حماه عمل عفو عن كل واحد بسلم حالو و بيتعهد انو ما يطلع مظاهرات

وطبعا نص الضيعة مطلوبين صارو طوابير كلن مطلوبين

وكل واحد يجي يسلم حالو يقول انا طلعت مظاهرة وحدة و مابعرف حدا من المتظاهرين ومابعرف حدا من المسلحين

طلع ضابط وقف قدام الشباب ( لك كل واحد بقول نفس الحكي لكن مين كان يطلع مظاهرات شو اللي كانو يطلعو عالجزيرة تماثيل مو بشر

واللي كانو يحاربو محدا بيعرفن )

رد عليه واحد ( سيدي هي فبركات الجزيرة نحنا مامنطلع مظاهرات )

رد الضابط ( والسلاح والمسلحين )

رد واحد تاني ( هدول الإخوان السلمين والقاعدة عطتهن امريكا و اسرائيل سلاح و بعتوهن لعنا ومامنعرف شو يعملو و شو يساوو يحكو بالعبري )

--------------------------------------------------------------------------

لما اقتحم الجيش حمص وقفو العساكر مع وحدة ختيارة قالولها ( شو يا حجي لسا بدكن حرية )

قالت ( لا يا خالتي شو حرية مابدنا غير ينقلع هالنظام و نخلص منو )

------------------------------------------------------------------------

في مدينتين بريف حماه صوران و طيبة الامام بيفصل اوستراد حماه - حلب بين المدينتين حط الجيش دبابات عالاوستراد بين الضيعتين

اجا واحد من صوران قال للعساكر ( شباب هاي المدينة اسمها صورااان مو الجولان طلعو من الاوستراد و للشرق هاي كلها سوريا

و من عند الاوستراد و للغرب اسرائيل - قصدو طيبة الامام -)

[البسّام]

سمعت هالناس عم تصيح عالجنة رايحين قلت لحالي بروح معهن



يسلم تمك

[alhabib_sy]

من حماقات كتائب الاسد في قلعة المضيق.::.مداهمة منزل ابن عضو

مجلس الشعب الذي قال للرئيس بشار البطة: انت قليل عليك قيادة سوريا ولازم تقود العالم ....

واصابته بطلق ناري .........

وهذا دليل على ان هذا النظام الفاجر عند اقتحام اي منطقة لايفرّق بين مؤيد او معارض

فانتظروا دوركم يامن تزالوا مؤيدين.........

وقد كان الثوار قبل ستة شهور أحرقوا محطة وقود يملكها هذا المنافق وكتبوا على حائطها بعد احراقها :

(( انت قليل عليك تكون مدير محطة بترول انت لازم تكون مدير منظمة اوبك )) ،،،

ماعاد يعرف الزلمة من وين بدو يلاقيها من الثوار ولا من النظام ،،

هذا جزاء المنافقين

[alhabib_sy]

باول اشهر الثورة قبل ما يصيرو ابطال حمص يظهرو عالشاشات كانو لسا اصوات

 المذيعة عالجزيرة سالت ابو جعفر لماذا تريدون المنطقة العازلة جاوبها مباشرة...

لك اوختي بيصير الجندي لما بدو ينشق بيحمل دبابتو عضهرو وبينشق فيها ..

[alhabib_sy]

مرة حاجز تفتيش وقف شخص فأخذ هويتي فمكتوب عالهوية حريتان-حلب

(أي يعني الشخص من حريتان )

 فقلو الضابط:ليش العالم كلها بدا حرية ال انت بدك حريتان

[alhabib_sy]

في عنا واحد مطلوب مسلح بيتو جنب فرن الخبز و قدام بيتو في ارض فستق حلبي

 لما اقتحم الجيش المدينة اجو سيارتين جيش وقفو قدام بيتو و في كتير ناس و زحمه عالخبز

راح الضابط وقف جنب السيارة و حفر حفرة صغيرة وصار يصيح للناس تعو شوفو شو لقيت هون

اجو الشباب شافو كيس سلاح بايد الضابط و جنبو جورة صغيرة

قلن الضابط لقيت كيس الروسيات والسلاح هون

رد عليه شب الكيس كان بالجورة ولا الجورة كانت بالكيس ( الجورة = حفرة )

( لك شو هالغباء الزلمة مسلح مو مخبي حالو ليش هالفلم الغبي هههه )

الله يرحمو استشهد مبارح

[alhabib_sy]

صديقي أب جابر بيتو مقابيل المشفى الوطني بجورة الشياح

وشو بدي إحكيلكن على أب جابر شغلة عجيبة .. غرضو غالي عليه كتير كتير

تلفنلي اليوم من السعودية عم يضحك من كل قلبو

قلتلو شو أب جابر الله يكفينا شر هالضحك شو القصة

قاللي: شُفت بيتي اليوم عالجزيرة ..

قلتلو: إي وشو البيضحك ؟؟؟

قاللي: المطبخ صار عالشارع

[alhabib_sy]

قال مرة  رفيقي من الرستن دايما بوصيه الجولات مراقبة دير بالك لا تفضحنا

دقلي يخبرني خبر قلي ( في ستين دبانة طلعو من حومص لعنكون )

واحد تاني كمان عالهاتف عاساس عم يحكي بالالغاز قلي ( بدنا ميت برغي للروسية هههه )

[alhabib_sy]

واحد عم يقول لرفيقو دير بالك الموبايلات مراقبي لا تشمسنا


قال له أنا محسوبك هلّق بتسمع بإدنك:

ألو .. كيفك يا أخي .. إي بعتلي الأغراوض .. ولك إي إي خمسطعشر بيتنجاني دفاعية .. وألف حبة زيتون روسي

وحبل بامية خمسمية ودفترين تسعة أربطعش

رفعت إيديي للسما وقولت: يالله شعب أعزل يالله

[alhabib_sy]

منقولة من حومصي :

مبارح كان جارنا أب جُمعة بدو يشتري سيارة بدل سيارتو اللي انعجنت بالانشاءات تحت الدبابي. أخدني معو عالبازار

سألو أب جمعة شو مواصفات السيارة ؟؟

قلّو صاحب السيارة: الله وكيلك بويا وكالة.

خالية العلام برّا جوا مافيها إلّا خمس طلقات بالشاسيه

والبلور اليميني مكَّسر من ورا شظية هاون

 والرفراف القدّامي مطحبش والدولاب السبير سرقوه حاجز المطاحن قبل ما يطحنن الجيش الحر

قال لي أب جُمعة شو رأيك أبو عبدو؟

قلتلّو توكل على الله ما بتلاقي أنضف من هيك سيارة بكل حووومص

[alhabib_sy]

شريف شحاطة رداً على سؤال مذيع بي بي سي ماموقفكم من قوات الردع العربية؟
.
سيدي الجيش السوري قوامه 500 ألف مقاتل ولا نحتاج لأية مساعدة أو دعم خارجي
.
المذيع: قوات ردع لحماية الشعب وليس لدعم النظام ... يابغل ياطبل ياحيوان

[العربـــــــــي]

اضحك فرفش على الشبيحة

<a href="http://www.youtube.com/watch?v=1op7rmfiY04" target="_blank" class="aeva_link bbc_link new_win">http://www.youtube.com/watch?v=1op7rmfiY04</a>

ابن الفرات